بین الاصوبائی گینگ کا متحرک سرغنہ اللہ رکھا اپنے ہی ساتھیوں کی فائرنگ سے ہلاک ہوگیا جبکہ ہلاک ملزم کے دیگر ساتھی اندھیرے کا فائدہ اٹھا کر فرار ہوگئے۔تفصیل کے مطابق کرائم کنٹرول ڈیپارٹمنٹ اقبال ٹائون اور ڈاکوئوں کے درمیان فائرنگ کا تبادلہ ہوا، اس دوران بین الاصوبائی گینگ کا متحرک سرغنہ اللہ رکھا اپنے ہی ساتھیوں کی فائرنگ سے ہلاک ہوگیا۔ڈی ایس پی سی سی ڈی نے بتایا کہ ہلاک ڈاکو گاڑی چوری کی متعدد وارداتوں میں مطلوب تھا، پولیس ملزم کو مال برآمدگی اور ساتھیوں کی گرفتاری کیلئے ساندہ لے جارہی تھی۔ملزمان نے ساتھی کو چھڑوانے کیلئے اور گرفتاری سے بچنے کیلئے پولیس پر فائرنگ کردی ، ملزم کے ساتھیوں کی فائرنگ سے اللہ رکھا شدید زخمی ہو اسپتال منتقلی کے دوران دم توڑ گیا۔ڈی ایس پی سی سی ڈی کا کہنا تھا کہ ملزمان کی فائرنگ سے سرکاری گاڑی کو شدید نقصان پہنچا، ہلاک ملزم کے دیگر ساتھی اندھیرے کا فائدہ اٹھا کر فرار ہوگئے۔حکام نے کہا کہ فرار دیگر ملزمان کی گرفتاری کے لیے علاقے میں سرچ آپریشن جاری کیا۔

کریڈٹ: انڈیپنڈنٹ نیوز پاکستان-آئی این پی