آئی ایم ایف کے ساتھ آخری اقتصادی جائزہ مذاکرات معاملے پر مذاکراتی وفدنئی منتخب حکومت قائم ہونے کے بعد پاکستان آئے گا۔ ذرائع کے مطابق موجودہ قرض پروگرام کی 1.10 ارب ڈالرکی آخری قسط کے لیے نئی منتخب حکومت سے ہی بات چیت ہوگی،آئی ایم ایف کا وفد نگران حکومت سے آخری قسط کیلییمذاکرات کرنے میں سنجیدہ نہیں۔ ذرائع وزارت خزانہ کاکہنا ہے کہ3 ارب ڈالر کے موجودہ قرض پروگرام کی آخری قسط کے لیے بات چیت ہونا باقی ہے،نگران حکومت نے آئی ایم ایف کے تمام اہداف حاصل کیے ہیں۔ نگران حکومت کی کارکردگی کی وجہ سے منتخب حکومت کو بات چیت میں آسانی ہوگی، آئی ایم ایف سے نئی بات چیت فروری کے آخری ہفتے یا مارچ کے شروع میں ہو سکتی ہے۔ دوسری جانب وزارت توانائی حکام کاکہنا ہے کہ آئی ایم ایف نیٹیرف اورگردشی قرض میں کمی کا ٹیرف مسترد نہیں کیا، آئی ایم ایف پلان پر غور کرے گا،وزارت توانای نے برآمدی شعبیکوبجلی 9 سینٹ پرفراہمی کا پلان آئی ایم ایف کو بھیجا ہے۔ حکام کے مطابق پلان منظوری پربرآمدی شعبے کیلئے بجلی 14سینٹ سے کم کرکے 9سینٹ کردی جایگی،پلان کی منظوری کی صورت میں گھریلوصارفین کا بجلی ٹیرف بڑھے گا۔

کریڈٹ: انڈیپنڈنٹ نیوز پاکستان-آئی این پی