محکمہ ابتدائی و ثانوی تعلیم نے سرکاری ملازمین کیلئے  سیاسی سرگرمیوں اور سوشل میڈیا کے استعمال سے متعلق واضح اور سخت ہدایات جاری کر دی ہیں۔جاری   اعلامیے کے مطابق کوئی بھی سرکاری ملازم کسی سیاسی جلسے، جلوس یا اجتماع میں شرکت نہیں کر سکے گا اور نہ ہی اپنے سرکاری عہدے یا حیثیت کو سیاسی اثر و رسوخ کے لیے استعمال کرنے کی اجازت ہو گی۔محکمہ تعلیم نے مزید وضاحت کی ہے کہ تمام سرکاری ملازمین پر ذاتی سوشل میڈیا اکانٹس کے ذریعے بھی کسی قسم کی سیاسی تشہیر، حمایت یا مخالفت پر مکمل پابندی عائد ہو گی۔اعلامیے میں خبردار کیا گیا ہے کہ ہدایات کی خلاف ورزی کرنے والے ملازمین کے خلاف قواعد و ضوابط کے تحت سخت محکمانہ کارروائی کی جائے گی، جس میں تادیبی اقدامات بھی شامل ہوں گے۔

کریڈٹ: انڈیپنڈنٹ نیوز پاکستان-آئی این پی