اداکارہ زارا نور عباس نے اپنی اکلوتی بیٹی نورِ جہاں کا چہرہ دنیا سے چھپائے رکھنے کی اصل وجہ سے پردہ ہٹا دیا۔زارا نور نے فوٹو اینڈ ویڈیو شیئرنگ ایپ انسٹاگرام پر ایک پوسٹ شیئر کی جس میں انکا بیٹی نورِ جہاں کے ساتھ فوٹو شوٹ شامل ہے لیکن پہلے کی طرح اس مرتبہ پھر تصویر میں نورِ جہاں کی شکل واضح نہیں ہے۔زارا نور عباس نے اس پوسٹ کے ساتھ کیپشن میں بیٹی کے نام ایک جذباتی پیغام لکھا اور اسکی شکل چھپانے کی وجہ بھی بتادی۔زارا نور عباس نے لکھا کہ یہ اس کے بیماری کے دنوں کے نام ہے، کہ جب وہ بہتر محسوس نہیں کر رہی ہوتی، دیر رات تک جاگنا اور جلدی اٹھنا، جب میرے لیے سب سے اہم صرف وہ ہوتی ہے اور اس کے علاوہ کچھ بھی میرے لیے معنی نہیں رکھتا، مجھے نہیں معلوم تھا کہ ایسا بھی ہوتا ہے۔انہوں نے بیٹی کی شکل سوشل میڈیا کی زینت بنانے کی وجہ بتاتے ہوئے لکھا کہ میں تمہاری تصویر ساری دنیا کو جلدی نہیں دکھائوں گی کیونکہ نظر لگ جائیگی، اس لیے براہِ کرم صرف بچی کی اماں کو برداشت کریں۔

کریڈٹ: انڈیپنڈنٹ نیوز پاکستان-آئی این پی