نیوزی لینڈ کیخلاف سیریز کے تیسرے ٹی20 میچ میں حارث رئوف نے شاندار سپر مین کیچ لیکر مداحوں کو حیران کردیا۔آکلینڈ میں کھیلے جارہے سیریز کے تیسرے ٹی20 میچ میں شاہین شاہ آفریدی کے اوور کی پانچویں گیند پر اوپنر فن ایلن کو لیگ سائیڈ پر گیند کروائی، جس پر انہوں نے جارحانہ شارٹ کھیلا لیکن حارث رئوف نے سپر مین اسٹائل میں کیچ تھام لیا۔حارث کی جانب سے کیچ تھامنے پر کمنٹیٹرز بھی حیران نظر آئے جبکہ فن ایلن اپنے کیچ پر فیلڈر کی شکل دیکھتے رہ گئے۔ ادھر سوشل میڈیا پلیٹ فارمز پر حارث رئوف کے شاندار کیچ تھامنے پر سراہا جارہا ہے۔

کریڈٹ: انڈیپنڈنٹ نیوز پاکستان-آئی این پی