معروف بھارتی ٹینس سٹار ثانیہ مرزا نے والد عمران مرزا اور بہن انعم مرزا کے ہمراہ حج کی سعادت حاصل کر لی۔میڈیا رپورٹ کے مطابق ثانیہ مرزا منگل کی صبح اپنی فیملی کے ہمراہ واپس اپنے گھر پہنچیں۔ثانیہ مرزا کی والدہ نے بیٹیوں اور شوہر کی واپسی پر ایئرپورٹ پر بنائی گئی تصویر سوشل میڈیا پر شیئر کی ،انہوں نے تصویر کے ساتھ حج کی مبارکباد دیتے ہوئے انہیں گھر میں خوش آمدید کہا ہے۔تصویر میں ثانیہ مرزا، ان کے والد، بہن اور بہنوئی کو اس خوشی کے موقع پر ہار پہنے ہوئے دیکھا جا سکتا ہے جبکہ ثانیہ مرزا اور ان کی بہن انعم سیاہ رنگ کے عبائے پہنے ،مکمل حجاب میں نظر آرہی ہیں ۔

کریڈٹ: انڈیپنڈنٹ نیوز پاکستان-آئی این پی