بالی ووڈ اداکارہ تاپسی پنو نے آئوٹ سائیڈر فلمز کے نام سے ایک پروڈکشن ہائوس کھول لیا۔بھارتی میڈیا سے ایک انٹرویو کے دوران 37 سالہ اداکارہ نے یہ اقرار کیا کہ انھوں نے نام نہاد نیپو کڈز سے ایک سبق سیکھا وہ یہ ہے کہ فلم انڈسٹری میں سفارش یا اقربا پروری کے ذریعے آنے والے یہ اداکاروں کے بچے کس طرح یکجا ہوتے ہیں۔انھوں نے کہا کہ یہ ایک دوسرے کی مدد کیلئے ہر وقت تیار رہتے ہیں جب کہ یہ چیز آوٹ سائیڈرز یا فلم انڈسٹری کے باہر سے آنے والوں میں ایک دوسروں کے لیے نہیں ہوتا۔ تاپسی نے کہا کہ ہماری ساری محنت اور کوشش ایک دوسرے سے آگے جانے کیلئے ہوتی ہے۔ ہم ایک دوسرے کا احترام ضرور کرتے ہیں، آپس میں پیغام رسانی بھی کرتے ہیں۔ لیکن اگر فلم اچھی یا بری ہو، تو ہم اپنے آوٹ سائیڈرز کے ساتھ کھڑے نہیں ہوتے یہ والی چیز نیپو کڈز میں بہت زیادہ ہے۔

کریڈٹ: انڈیپنڈنٹ نیوز پاکستان-آئی این پی