بالی ووڈ اداکارہ سشمیتا سین کے انشاء اﷲ کہنے پر ہندو انتہا پسند برہم ہوگئے۔گزشتہ روز سشمیتا کو شہر کے ایک کلینک کے باہر دیکھا گیا جب وہ اپنے دانت میں تکلیف محسوس کرنے کے بعد ڈینٹسٹ کے پاس گئیں، اداکارہ نے پاپا رازیوں کو بتایا کہ انہیں انجکشن لگایا گیا ہے اس لیے وہ مسکرا نہیں پا رہیں۔ویڈیو میں انہیں پاپا رازیوں سے کہتے سنا جاسکتا ہے کہ مسکرانا نہیں ہو پارہا ہے، یہ مسئلہ ہے، جس پر پاپا رازی نے انہیں تسلی دیتے ہوئے کہا کہ ہوجائے گا 2، 3 دن میں ٹھیک۔اس کے جواب میں اداکارہ کہتی سنائی دی گئیں کہ انشاء اللہ ایک دن میں جس پر پاپارازی کی جانب سے آمین بھی کہا گیا۔ان کے خوشگوار انداز میں بات چیت کرنے پر جہاں بہت سے مداحوں نے انہیں سراہا وہیں کچھ سوشل میڈیا صارفین انشاء اللہ کہنے پر ان پر برس پڑے۔انہوں نے سشمیتا سین کو تنقید کا نشانہ بناتے ہوئے کہا کہ کیا انہوں نے اسلام قبول کرلیا ہے، ایک صارف کا کہنا تھا کہ یہ بالی ووڈ کا اللہ کہنے کا بخار اترتا نہیں لگتا۔تو ایک صارف نے ان سے سوال کیا کہ انشاء اللہ کیوں کہا، بھگوان کا نام کیوں نہیں لیا۔

کریڈٹ: انڈیپنڈنٹ نیوز پاکستان-آئی این پی