سری لنکا اور نیوزی لینڈکی کرکٹ ٹیموں کے درمیان 2 ٹیسٹ میچوں کی سیریز کا دوسرا اور آخری میچ (آج)جمعرات سے 30ستمبر تک گال انٹرنیشنل سٹیڈیم، گال میں شروع ہوگا۔میزبان آئی لینڈرز کو مہمان کیوی ٹیم پر سیریز میں 0-1کی برتری حاصل ہے،سری لنکا نے پہلے ٹیسٹ میچ میں نیوزی لینڈ کی ٹیم کو 63رنز سے شکست دی تھی۔ نیوزی لینڈ کی مردوں کی قومی کرکٹ ٹیم سری لنکا کے دورہ پر ہے ،جہاں وہ میزبان آئی لینڈرز کے خلاف 2 ٹیسٹ میچوں کی سیریز کھیلے گی،دو ٹیسٹ میچوں کی سیریز میں مہمان نیوزی لینڈ ٹیم کی قیادت مایہ ناز فاسٹ بائولر ٹم سائوتھی کر رہے ہیں جبکہ میزبان آئی لینڈرز کو دھننجایا ڈی سلوا لیڈ کریں گے۔ دونوں ٹیموں کے درمیان 2ٹیسٹ میچوں کی سیریز کا دوسرا اور آخری میچ 26سے 30ستمبر تک گال انٹرنیشنل سٹیڈیم، گال میں ہی کھیلا جائے گا۔

کریڈٹ: انڈیپنڈنٹ نیوز پاکستان-آئی این پی