سری لنکا اور بھارت کی کرکٹ ٹیموں کے درمیان تین ٹی ٹونٹی بین الاقوامی میچوں پر مشتمل سیریز کا پہلا میچ ہفتے کے روز(آج)پالے کیلی انٹرنیشنل کرکٹ سٹیڈیم پالے کیلی میں کھیلا جائے گا،بھارتی ٹیم ان دنوں سری لنکا میں ہے جہاں وہ اپنے دورہ کے دوران میزبان ٹیم کے خلاف 3ٹی ٹونٹی اور 3 ایک روزہ بین الاقوامی کرکٹ میچوں کی سیریز کھیلے گی، دوسرا ٹی ٹونٹی میچ 28جولائی جبکہ تیسرا اور آخری 30جولائی کو کھیلا جائے گا ۔تینوں ٹی ٹونٹی میچزمیں بھارتی ٹیم کو سوریا کماریادیو لیڈ کریں گے ۔دونوں ٹیموں کے تینوں ٹی ٹونٹی میچز پالے کیلی انٹرنیشنل کرکٹ سٹیڈیم پالے کیلی میں ہی کھیلے جائیں گے،اس کے بعد بھارتی ٹیم 3ون ڈے انٹرنیشنل میچوں کی سیریز کھیلنے کے لئے کولمبو پہنچے گی جس کا پہلا میچ 2اگست کو آرپریماداسا سٹیڈیم کولمبو میں کھیلا جائے گا،دوسرا ون ڈے میچ 4اگست کو جبکہ تیسرا اور آخری ون ڈے میچ 7اگست کو کھیلاجائے گا۔تینوں ون ڈے میچز میں بھارتی ٹیم کو روہت شرما لیڈ کریں گے۔دونوں ٹیموں کے تینوں ایک روزہ میچز آرپریماداسا سٹیڈیم کولمبو میں ہی کھیلے جائیں گے۔

کریڈٹ: انڈیپنڈنٹ نیوز پاکستان-آئی این پی