پاکستان کی پہلی آرٹیفیشل انٹیلیجنس انفلوئنسر شبنم کی تصاویر نے سوشل میڈیا پر جاری ہوتے ہی تہلکہ مچادیا۔شبنم مصنوعی ذہانت سے بنائی گئی سوشل میڈیا انفلوئنسر ہیں جن کے فوٹو اینڈ ویڈیو شیئرنگ ایپ انسٹا گرام پر فی الحال 2 ہزار سے زائد فالوورز ہیں۔انسٹاگرام کے بائیو میں شبنم کو لاہور یونیورسٹی منیجمنٹ سائنس کی ایم بی اے کی طالبہ بتایا گیا ہے جبکہ وہ اسلام آباد کی رہائشی ہیں۔ شبنم ماڈل ہونے کے ساتھ کھانا کھانے کی شوقین ہیں اور فٹنس فریک بھی ہیں۔کتھئی آنکھیں، بھوری زلفیں اور ہلکے گلابی ہونٹوں والی شبنم کا انسٹاگرام انکی دلکش تصاویر سے بھرا ہوا ہے۔شبنم نے پاکستان کے22 معروف فنکاروں کو فالو کیا ہوا ہے جن میں عائزہ خان، درِفشاں سلیم، ہانیہ عامر، عائشہ عمر، سائرہ یوسف، اقرا عزیز، ایمن خان، سارہ خان، یمنی زیدی و دیگر پاکستانی حسینائیں شامل ہیں جبکہ مرد فنکاروں میں صرف فیروز خان اور علی ظفر شامل ہیں۔

کریڈٹ: انڈیپنڈنٹ نیوز پاکستان-آئی این پی