روس کے نامور ٹینس سٹار،دفاعی چیمپئن اور ایونٹ کے ٹاپ سیڈڈ آندرے روبلوف سویڈش اوپن ٹینس ٹورنامنٹ میں مردوں کے سنگلز مقابلوں کے دوسرے رائونڈ میں اپ سیٹ شکست کے بعد باہر ہوگئے ، ارجنٹائن کے 23سالہ تھیاگو اگسٹن ٹیرانٹے نے آندرے روبلوف کو اپ سیٹ شکست دے کر ٹاپ ایٹ رائونڈ کے لئے کوالیفائی کیا۔ سویڈن میں اے ٹی پی سویڈش اوپن ٹینس ٹورنامنٹ کے دلچسپ مقابلوں کا سلسلہ باسٹاد ٹینس سٹیڈیم میں جاری ہے۔مردوں کے سنگلز مقابلوں کے دوسرے رائونڈ میں ارجنٹائن کے تھیاگو اگسٹن ٹیرانٹے نے شاندار کارکردگی کا مظاہرہ کرتے ہوئے روس کے نامور ٹینس سٹار ،دفاعی چیمپئن اور ایونٹ کے ٹاپ سیڈڈ آندرے روبلوف کو 6-7(5-7)،6-3اور 4-6سے اپ سیٹ شکست دے کر نہ صرف ایونٹ سے باہر کر دیا بلکہ کوارٹر فائنل رائونڈ کے لئے کوالیفائی کرلیا جہاں ان کا مقابلہ ہسپانوی حریف کھلاڑی رابرٹو کاربیلیس بینا سے ہوگا۔

کریڈٹ: انڈیپنڈنٹ نیوز پاکستان-آئی این پی