نوجوانوں میں صحت مندانہ سرگرمیوں کو فروغ دینے کیلئے مالم جبہ میں دوڑ اور سائیکلنگ کے مقابلوں کا انعقاد کیا گیا،پاک آرمی اور فرنٹیئر کور نارتھ کی جانب سے منعقدہ مقابلوں میں مالم جبہ میں 16کلومیٹر کی دوڑ اور سائیکلنگ ریس شامل تھی، مقابلوں میں 45ایتھلیٹس نے حصہ لیا جن میں 3خواتین بھی شامل تھیں،مہمان خصوصی نے ریس کے اختتام پر عمدہ کارگردگی والے کھلاڑیوں میں انعامات تقسیم کیے، مقابلوں کو دیکھنے کیلئے بڑی تعداد میں سیاح موجود تھے،سیاحوں نے کھیلوں کے صحت مند ایونٹ کے انعقاد پر پاک فوج کو خراج تحسین پیش کیا، سیاحوں نے علاقے میں امن کو برقرار رکھنے کیلئے بھی پاک فوج اور دیگر قانون نافذ کرنے والے اداروں کی کوششوں کو سراہا۔

کریڈٹ: انڈیپنڈنٹ نیوز پاکستان-آئی این پی