پولینڈ کی بین الاقوامی شہرہ آفاق ٹینس سٹار ،ٹاپ سیڈ اور عالمی نمبر ون آئیگا سویٹیک سنسناٹی اوپن ٹینس ٹورنامنٹ میں خواتین کے سنگلز مقابلوں کے پہلے سیمی فائنل میچ میں ہار کر ایونٹ سے باہر ہوگئیں، بیلا روس کی 26سالہ آریانا سبالینکا نے ویمنز سنگلز سیمی فائنل میچ میں 23سالہ پولینڈ کی ٹینس سٹار آئیگا سویٹیک کو شکست دے کر فائنل کے لئے کوالیفائی کیا۔سال کے چوتھے گرینڈ سلام یو ایس اوپن سے قبل وارم اپ ٹورنامنٹ کے ویمنز سنگلز کے پہلے سیمی فائنل میچ میں بیلا روس کی 26سالہ آریانا سبالینکا نے انتہائی شاندار کارکردگی کا مظاہرہ کرتے ہوئے حریف 23سالہ پولش ٹینس سٹار آئیگا سویٹیک کو سٹریٹ سیٹس میں 3-6اور 3-6سے شکست دے کر نہ صرف ایونٹ سے باہر کر دیا بلکہ فائنل کے لئے بھی کوالیفائی کرلیا۔

کریڈٹ: انڈیپنڈنٹ نیوز پاکستان-آئی این پی