بالی ووڈ اداکار سنجے دت نے اہلیہ کی سالگرہ پر محبت سے بھرپور پیغام سوشل میڈیا کی زینت بنادیا۔اداکار سنجے دت نے اہلیہ مانیتا دت کی 46ویں یوم پیدائش پر بے حد خوبصورت لفظوں میں تعریف کرتے ہوئے مبارکباد پیش کی۔ سنجے دت کے الفاظ سے واضح ہے کہ مانیتا دت نے ان کی زندگی کو سنوار دیا ہے۔فوٹو اینڈ ویڈیو شیئرنگ ایپ انسٹاگرام پر سنجے دت نے پوسٹ جاری کی جس میں انہوں نے اہلیہ کے ساتھ لی گئی رومانوی تصاویر جاری کرتے ہوئے محبت سے بھرپور نوٹ بھی لکھ ڈالا۔اداکار نے لکھا کہ میں اپنی زندگی میں آپ کی موجودگی، آپ کی حمایت، اور آپ کی طاقت کے لیے شکر گزار ہوں۔ میں خوش قسمت ہوں کہ مجھے آپکا ساتھ ملا میری بیوی، میری زندگی میں چٹان بننے کے لیے آپ کا شکریہ، اور آپ کو ایک بار پھر سے سالگرہ مبارک ہو۔یاد رہے کہ سنجے دت اور مانیتا دت 2008 میں شادی کے بندھن میں بندھے تھے، بعدازاں اس جوڑے نے جڑواں بچوں کا خیر مقدم کیا۔

کریڈٹ: انڈیپنڈنٹ نیوز پاکستان-آئی این پی