عالمی شہرت یافتہ پاکستانی میوزک شو کوک اسٹوڈیو سیزن 15 کے گانے ٹری جاندی نے معروف بھارتی گلوکارہ سنیدھی چوہان کو حیران کردیا۔ حال ہی میں سنیدھی چوہان، راج شامانی کی پوڈ کاسٹ میں بطور مہمان شریک ہوئیں ۔اسی پوڈکاسٹ کے دوران گلوکارہ کی جانب سے کوک اسٹوڈیو پاکستان کے گانے ٹری جاندی کے حوالے سے کی جانے والی گفتگو سوشل میڈیا پر وائرل ہوگئی۔ گلوکارہ شازیہ منظور اور حسن رحیم کی میوزک ویڈیو ٹری جاندی کے بارے میں بات کرتے ہوئے سنیدھی چوہان کا کہنا تھا کہ میں گانے کی ویڈیو دیکھ کر حیران ہوگئی کہ میکرز نے یہ کیسے سوچا۔گلوکارہ کا کہنا تھا کہ میں نے گانا سن کر اپنے شوہر کو بھی گانا سننے کیلئے کہا، گانا جتنا خوبصورتی سے لکھا گیا اتنی ہی خوبصورتی سے فلمایا بھی گیا ہے یعنی آپ گانا سنتے ہوئے محظوظ تو ہوتے ہی ہیں لیکن جب ویڈیو دیکھتے ہیں تو کسی اور دنیا میں پہنچ جاتے ہیں جوکہ غیر یقینی بات ہے۔

کریڈٹ: انڈیپنڈنٹ نیوز پاکستان-آئی این پی