اداکارہ سونیا حسین نے اداکار سمیع خان اور زاہد احمد کے ساتھ زیادہ ڈراموں میں کام کرنے کی وجہ بتا دی۔ ایک انٹرویو کے دوران جب سونیا حسین سے پوچھا گیا کہ وہ سمیع خان کے ساتھ سب سے زیادہ کام کیوں کرتی ہیں؟، اس سوال کے جواب میں اداکارہ نے کہا کہ اکثر لوگ بھی مجھ سے یہ کہتے ہیں کہ میں زیادہ تر ڈراموں میں زاہد احمد اور سمیع خان کے ساتھ ہی نظر آتی ہوں۔سونیا حسین نے کہا کہ جب مجھے کسی ڈرامے کی پیشکش ہوتی ہے تو میں سب سے پہلے ڈرامے کی کاسٹ کے بارے میں پوچھتی ہوں اور اگر میرے سامنے زاہد احمد یا سمیع خان کا نام آجاتا ہے تو میں فورا ڈرامے کے لیے ہاں کردیتی ہوں۔اداکارہ نے دونوں اداکاروں کے ساتھ کام کرنے کی وجہ بتاتے ہوئے کہا کہ میں ان دونوں اداکاروں کے ساتھ مطمئن محسوس کرتی ہوں اور ان کے ساتھ شوٹنگ کے سیٹ پر بھی گھر جیسا ماحول ہی محسوس ہوتا ہے۔انہوں نے مزید کہا کہ سمیع خان اور زاہد احمد بہترین اداکار ہونے کے ساتھ ساتھ بہت اچھے انسان بھی ہیں اور دونوں کے ساتھ ہی میری کافی اچھی بونڈنگ ہے۔

کریڈٹ: انڈیپنڈنٹ نیوز پاکستان-آئی این پی