بالی ووڈ کے سپر سٹار اداکار سلمان خان کا ننھے مداح کو گلے لگانا ہزاروں دلوں کو چھو گیا۔سوشل میڈیا پر وائرل ایک تقریب کی ویڈیو میں سلمان کو ایک نوجوان لڑکے کو گلے لگاتے دیکھا گیا ہے۔ جس نے پہلے اداکار کے پائوں چھوئے اور پھر اپنے من پسند اداکار سے آٹوگراف لیا۔ویڈیو میں دیکھا جاسکتا ہے کہ سلمان خان اسٹیج پر موجود تھے اسی دوران سرخ شرٹ میں ملبوس ایک مداح اسٹیج پر آیا اور اسے سلمان خان کا بنایا گیا خاکہ دکھایا۔ مداح کو آتا دیکھا کر سلمان خان نے اسے گلے لگایا اور ساتھ ہی آٹوگراف بھی دے دیا۔من پسند اداکار سے آٹوگراف لینے کے بعد اس ننھے مداح نے سلمان خان کے پائوں چھو لیے۔سلمان خان کی ویڈیو وائرل ہوتے ہی سوشل میڈیا صارفین انکی تعریف کرنے سے خود کو نہ روک سکے۔سوشل میڈیا صارفین کے کمنٹ سیکشن کا رخ کرتے ہوئے محبت بھرے اموجیز سے سلمان خان کیلئے اپنی بے لوث محبت کا کھل کا اظہار کردیا۔

کریڈٹ: انڈیپنڈنٹ نیوز پاکستان-آئی این پی