معروف اداکارہ و ماڈل کبری خان نے انکشاف کیا ہے کہ ایک مرتبہ سیلفی کیلئے مداح نے ان کا گلا دبوچ لیا تھا۔اداکارہ کبری خان نے حال ہی میں ایک نجی انٹرویو میں شرکت کی اور کھل کر اپنے ساتھ ماضی میں پیش آنے والے ایک افسوسناک واقعے کا ذکر کر ڈالا۔دورانِ شو کبری خان نے ایک سوال کے جواب میں کہا کہ میں اپنے دیگر ساتھی اداکاروں کیساتھ فلم کی تشہیر کے سلسلے میں ایک شاپنگ مال میں تشریف لے گئی تھی۔ جہاں اچانک سے ایک خاتون مداح نے سیلفی لینے کی خاطر میری طرف اپنا ہاتھ بڑھایا اور اس نے میری گردن پکڑ لی جس سے میری حالت ایسی ہو گئی تھی کہ سانس بالکل بھی نہیں آ رہا تھا تو سیکیورٹی اہلکار نے اسے دھکا دیا ، جس پر میں نے سیکیورٹی اہلکار سے درخواست کی کہ کسی کو بھی دھکا نہیں دو اور لوگوں سے یہ کہو کہ ہمارے ساتھ ایسا سلوک نہ کریں۔اداکارہ کا کہنا تھا کہ میں یہ بھی جانتی ہوں کہ یہ عمل کرنے کا مذکورہ لڑکی کا کوئی ارادہ نہیں تھا اور ایسا صرف لڑکیاں نہیں بلکہ لڑکے بھی کرتے ہیں۔

کریڈٹ: انڈیپنڈنٹ نیوز پاکستان-آئی این پی