بالی ووڈ کی معروف اداکارہ شردھا کپور نے پاکستانی کوک اسٹوڈیو کے گانے بلاک بسٹر کو اپنا پسندیدہ گانا قرار دے دیا۔شردھا کپور کے ایک انٹرویو کی ویڈیو سوشل میڈیا پر زیرِ گردش ہے جس میں وہ اپنے اِس وقت کے سب سے پسندیدہ گیت کے بارے میں بات کرتی نظر آئیں ۔ویڈیو میں شردھا کپور اپنی فلم استری کے ہیرو راجکمار را ئوکے ساتھ بیٹھی نظر آئیں اور انہوں نے کہا کہ ان دنوں ایک گانا جو مجھے بہت پسند آیا ہے اور لوپ پر چلا کر سنے جارہی ہوں وہ ہے گلوکار فارس شفیع، عمیر بٹ اور گھاروی گروپ کا بلاک بسٹر ۔انہوں نے کہا کہ بہت ہی بہترین گانا ہے اس کے بیٹس بھی بہت کمال کے ہیں اس پر انکے برابر میں بیٹھے راجکمار را ئونے بھی اداکارہ کی بات سے اتفاق رکھنے کا اشارہ دیتے ہوئے گیت کا میوزک گنگنانا شروع کردی۔پوسٹ کے کیپشن میں کوک سٹوڈیو پاکستان کے ڈائریکٹر زلفی نے کہا کہ واہ، کیسے محبت سرحدوں کی محتاج نہیں ہے یہ دیکھ کر خوشی ہوتی ہے، دل سے خوشی ہوئی یہ جان کر کہ بلاک بسٹر آپ کی پلے لسٹ کا نمبر ون گیت ہے اور راجکمار رائو کو بلاک بسٹر کی میوزک گنگناتے دیکھ کر بھی بہت خوشی ہوئی، یہ بہت پیارا تھا۔

کریڈٹ: انڈیپنڈنٹ نیوز پاکستان-آئی این پی