بالی ووڈ اداکارہ شردھا کپور نے اپنے بچپن کے کرش کو پروپوز کرنے اور مسترد ہونے کا واقعہ سنادیا۔بھارتی میڈیا رپورٹ کے مطابق شردھا کپور کی بچپن کی محبت کوئی اور نہیں اداکار ورون دھون تھے، یہ تب کی بات ہے جب اداکارہ صرف 8 برس کی تھی۔ شردھا کپور نے حال ہی میں ایک پوڈکاسٹ میں شرکت کی اور بچپن کا قصہ مزاحیہ انداز میں سنایا۔ اس موقع پر شردھا کپور نے بتایا کہ میں نے 8 سال کی عمر ورون دھون کو پروپوز کیا تھا۔انہوں نے مزید کہا کہ بہت پرانی کہانی ہے، یہ بات لوگوں کو پتا بھی ہے، مزاحیہ بات یہ ہے ورون دھون نے میرا پروپوزل یہ کہہ کر ٹھکرادیا کہ مجھے لڑکیاں پسند نہیں ہیں۔شردھا کپور اور ورون دھون نے اے بی سی ڈی 2، اسٹریٹ ڈانسر 3 ڈی میں ایک ساتھ کام کیا ہے۔

کریڈٹ: انڈیپنڈنٹ نیوز پاکستان-آئی این پی