اداکارہ و ماڈل مائرہ خان نے انکشاف کیا ہے کہ انہیں شادی کی صبح پتا چلا کہ وہ شوہر کی تیسری بیوی ہیں۔ شوبز انڈسٹری کی معروف اداکارہ مائرہ خان نے حال ہی میں نجی ٹی وی کے پروگرام میں شرکت کی جہاں انہوں نے نجی زندگی ودیگر موضوعات کر اظہار خیال کیا۔ مائرہ خان نے کہا کہ میں اس وقت 16 برس کی تھی، شوہر نے مجھے اپنی دونوں شادیوں سے متعلق کچھ نہیں بتایا تھا۔ انہوں نے کہا کہ شادی کے اگلے روز ہی اس کی دونوں بیویاں گھر آگئیں جس کے بعد علم ہوا کہ میں اپنے شوہر کی تیسری بیوی ہوں۔ایک سوال کے جواب میں مائرہ خان نے کہا کہ مرحوم شوہر کو اللہ جنت نصیب کرے لیکن جب میں ان کے سامنے روتی تھی یا پریشان ہوتی تھی تو وہ کہتے تھے کہ اداکاری جہاں کرنی ہوتی ہے وہاں کیا کرو یہ گھر پر نہیں کیا کرو۔بچپن سے متعلق مائرہ خان نے بتایا کہ میں بہت خاموش بچہ تھی کوئی نہیں سوچ سکتا تھا کہ بڑے ہوکر اتنا بڑا ڈرامہ نکل آں گی۔انہوں نے کہا جب بڑی ہوئی تو پتا چلا کہ میرے دو بہن بھائی ہیں لیکن کبھی والد نے ملنے نہیں دیا میں اکیلے ہی رہی، والد نے والدہ کو نہیں بتایا تھا کہ ان کی پہلے شادی ہوئی ہے اور ان کے دو بچے بھی ہیں۔اداکارہ نے بتایا کہ والد حیات ہیں لیکن والدہ اور مجھ سے ملتے نہیں ہیں کیونکہ والدہ سے علیحدگی ہوچکی ہے۔مائرہ خان نے کہا کہ والد میری والدہ پر بہت ظلم کرتے اور مارتے تھے میں 15 سال کی تھی تو ایک رات والدہ کو لے کر گھر سے نکل گئی اور پھر پیچھے مڑ کر کبھی نہیں دیکھا۔

کریڈٹ: انڈیپنڈنٹ نیوز پاکستان-آئی این پی