سابق کپتان اور مایہ ناز آل رانڈر شعیب ملک اپنی اہلیہ ثنا جاوید کے ہمراہ ملتان پہنچ گئے۔ ثنا شعیب ملک ملتان میں پاکستان سپر لیگ کے میچز دیکھیں گی جس کے سیزن 9 میں ان کے شوہر شعیب ملک کراچی کنگز کی نمائندگی کر رہے ہیں۔ ملتان سلطانز اور کراچی کنگز کے درمیان میچ اتوار کو ملتان کرکٹ سٹیڈیم میں کھیلا جائے گا ۔ پی ایس ایل 9 کے پہلے میچ سے قبل رنگا رنگ افتتاحی تقریب بھی ہوگی جس میں معروف فنکار اپنے فن کا مظاہرہ کریں گے جبکہ افتتاحی میچ دفاعی چیمپئن لاہور قلندرز اور اسلام آباد یونائیٹڈ کے درمیان کھیلا جائے گا۔
کریڈٹ: انڈیپنڈنٹ نیوز پاکستان-آئی این پی