اداکارہ صبور علی کو بولڈ فوٹوشوٹ کی تصاویر وائرل ہونے کے بعد تنقید کا سامنا ہے۔اداکارہ نے انسٹاگرام پر فوٹوشوٹ کی تصاویر شیئر کیں جو دیکھتے ہی دیکھتے وائرل ہوگئیں اور انہیں دیگر سوشل میڈیا پیجز پر بھی شیئر کیا گیا۔فوٹوشوٹ کی تصاویر میں اداکارہ کو جینز پینٹ جب کہ سفید رنگ کی شرٹ میں دیکھا جا سکتا ہے۔اداکارہ کی جانب سے تصاویر کو شیئر کیے جانے کے بعد اسے سوشل میڈیا پیجز پر بھی شیئر کیا گیا، جہاں صارفین نے اداکارہ کو آڑے ہاتھوں لیا۔جہاں مداحوں اور سوشل میڈیا صارفین نے اداکارہ کو بولڈ فوٹوشوٹ پر آڑے ہاتھوں لیتے ہوئے اداکارہ کے خاندان اور شوہر کو بھی غیرت دلانے کی کوشش کی۔صارفین نے سوال اٹھایا کہ اداکاراوں کی ایسی تصاویر دیکھنے کے بعد ان کے والد یا بھائیوں کو شرم کیوں نہیں آتی؟بعض صارفین نے کمنٹس کرتے ہوئے لکھا کہ ایسے پیسوں اور شہرت کا کیا فائدہ، جس میں پورے کپڑے نہ پہننے پڑیں۔کچھ سوشل میڈیا صارفین نے اداکارہ کے بولڈ لباس پر ان کے شوہر کو بھی آڑے ہاتھوں لیا اور کمنٹ کیے کہ اداکارہ نے ایسا شوہر رکھا ہے جو انہیں کچھ بول نہیں سکتا اور جب بیچارہ کچھ بولے تو انہیں وہ چھوڑ کر نکل جائیں گی۔ تاہم دوسری جانب ان کے شوہر علی انصاری سمیت دیگر شوبز شخصیات نے ان کی تصاویر پر کمنٹس کرتے ہوئے ان کے انداز اور خوبصورتی کو سراہا۔

کریڈٹ: انڈیپنڈنٹ نیوز پاکستان-آئی این پی