سائو تھ ایشین ٹیبل ٹینس چیمپئن شپ 2024 میں پاکستان کے4 ٹیبل ٹینس پلیئرز سیمی فائنل میں پہنچ گئے۔ پاکستان کے چاروں پلیئرز کا مقابلہ بھارتی کھلاڑیوں سے ہے، قومی کھلاڑیوں میں ایک خاتو ن بھی شامل ہے۔پاکستان کے شایان فاروق اور حور فواد انڈر 19 جب کہ عباس امجد اور عبدل خان انڈر 15 کیٹیگری میں مقابلہ کر رہے ہیں۔شایان فاروق کا مقابلہ بھارت کے بھٹاچارجی جب کہ حور فواد کا مقابلہ پریا وارٹیکر سے کھیلا جائیگا۔عباس امجد بھارت کے سرتھک آریا اور عبدل خان سوہام مکھرجی سے مقابلہ کریں گے۔پاکستان کی جانب ایونٹ میں 14 پلیئرز حصہ لے رہے ہیں۔ چیمپئن شپ سری لنکا کے شہر کینڈی میں کھیلی جاری ہے۔

کریڈٹ: انڈیپنڈنٹ نیوز پاکستان-آئی این پی