سعودی ویمن پریمیئرلیگ جمعہ 27ستمبر سے شروع ہو گی جس میں نئی نسل کی ویمن فٹبال پلیئرز کو متعارف کرایا جائے گا۔عرب میڈیاکے مطابق سعودی فٹبال فیڈریشن کے تحت 18 ہفتوں پر مشتمل لیگ کے تحت 90میچز ہوں گے۔ ویمن پریمیئرلیگ تیسرے سیزن میں 200سے زائد پلیئرزنے خود کو رجسٹرکرایا ہے ،نئے سیزن کے آغاز سے قبل لیگ میں 15سے زائد 10فٹبال کلب سے تعلق رکھنے والی انٹرنیشنل پلیئرزنے شرکت کی ہے جن کا تعلق 20سے زیادہ ملکوں سے ہے۔سعودی فٹبال فیڈریشن کے چیئرمین یاسر المسحل کا کہنا ہے ہمیں خوشی ہے کہ سعودی خواتین ٹیم بھی تیزی سے ترقی کررہی ہے، ہم ویمن پریمیئرلیگ کے انعقاد پر بہت پرجوش ہیں۔نئے سیزن کے آغاز سے قبل سعودی فٹبال فیڈریشن میں شعبہ خواتین کی صدر علیا الرشید کا کہنا تھا گزشتہ دو سیزن میں سعودی ویمن پریمیئرلیگ نے بہتری حاصل کی جو خوش آئند ہے۔ماضی میں کوئی پروفیشنل ویمن پلیئر نہیں تھی مگر اب 20 ممالک کی ٹیموں سے مقابلے کے لیے تیارہیں۔

کریڈٹ: انڈیپنڈنٹ نیوز پاکستان-آئی این پی