پاکستانی اداکار شہزاد نواز نے بالی ووڈ اداکار رنبیر کپور سے موازنے پر ناراضی کا اظہار کیا ہے۔حال ہی میں پاکستانی اداکار شہزاد نواز نے معروف اداکار، پروڈیوسر و میزبان فیصل قریشی کے پوڈ کاسٹ میں انٹرویو دیا۔ دوران انٹرویو فیصل قریشی نے شہزاد نواز سے سوال کیا کہ سوشل میڈیا صارفین نے آپ کو پاکستانی رنبیر کپور کہہ دیا ہے؟ رنبیر کپور کو آپ سے مشابہہ قرار کیوں نہیں دیا؟جواب میں اداکار شہزاد نے کہا کہ میں اس بات سے متفق ہوں، میں یہ سن کر بالکل بھی خوش نہیں ہوا ہوں، ہمارے یہاں اداکار خوش ہو جاتے ہیں، میرے خوش نہ ہونے کی وجہ یہ ہے کہ عمر کے لحاظ سے میں رنبیر سے بڑا ہوں، اسے مجھ جیسا لگنا چاہیے۔پاکستانی اداکار شہزاد نواز نے کہا کہ صارفین کو رنبیر کپور سے کہنا چاہیے تھا کہ وہ شہزاد نواز سے مشابہت رکھتے ہیں۔وائرل ویڈیو پر صارفین کا کہنا ہے کہ شہزاد نواز رنبیر کپور سے زیادہ گریس فل اور ہینڈ سم ہیں۔

کریڈٹ: انڈیپنڈنٹ نیوز پاکستان-آئی این پی