قومی کرکٹ ٹیم کے سابق کپتان معین خان نے کہا ہے کہ رمیز راجا اکیلے بورڈ کے معاملات چلا رہے تھے، بدقسمتی سے ان سے کوئی خوش نہیں تھا، میڈیا سے گفتگو کرتے ہوئے معین خان نے کہا کہ سابق کرکٹر اور کمنٹیٹر رمیز راجا کو خود کو ثابت کرنے کا بہت موقع ملا لیکن بدقسمتی سے کوئی ان سے خوش نہیں تھا، وہ اکیلے ہی پی سی بی کے معاملات چلا رہے تھے،انہوں نے کہا کہ نجم سیٹھی کے آنے سے بورڈ میں بہتری کی امیدیں ہیں، وہ سمجھدار ہیں اور پہلے بھی بورڈ کے سربراہ رہ چکے ہیں، مجھے امید ہے کہ وہ اپنی پرانی غلطیاں نہیں دہرائیں گے اور پی سی بی کے معاملات خوش اسلوبی سے چلائیں گے۔

کریڈٹ: انڈیپنڈنٹ نیوز پاکستان-آئی این پی