انگلینڈ کے خلاف ایشیز سیریز کے پانچویں اور آخری ٹیسٹ میچ میں بھی ٹریوس ہیڈ نے شاندار سنچری اسکور کرکے تاریخ رقم کر دی۔سڈنی کرکٹ گرائونڈ میں انہوں نے 105 گیندوں پر سنچری اسکور کی، وہ 163 رنز بنا کر آئو ٹ ہوئے، اس اننگز میں انہوں نے ایک چھکا اور 24 چوکے بھی لگائے۔انہوں نے شاندار سنچری اسکور کرکے اپنا نام آسٹریلوی کرکٹ لیجنڈز کی فہرست میں شامل کروا لیا۔ یہ ٹیسٹ کرکٹ میں ان کی بارہویں سنچری تھی۔ اس کے علاوہ اس سیریز میں یہ ان کی تیسری سنچری تھی۔یہ سڈنی کرکٹ گرائونڈ میں ان کی پہلی سنچری تھی، اس اننگز کے بعد انہوں نے منفرد اعزاز حاصل کر لیا ہے، وہ آسٹریلیا کے 7 مختلف میدانوں میں ٹیسٹ سینچریاں اسکور کرنے والے دنیا کے پانچویں کرکٹر بن گئے ہیں۔ان سے قبل اس فہرست میں اسٹیو وا، جسٹن لینگر، میتھیو ہیڈن اور ڈیوڈ وارنر شامل ہیں۔

کریڈٹ: انڈیپنڈنٹ نیوز پاکستان-آئی این پی