پاکستان کے ٹاپ ٹی 20وکٹ کیپر بیٹر محمد رضوان، آل رائونڈر شاداب خان اور فاسٹ بولر حارث رئوف کو وزڈن کی مینز ٹی 20ٹیم آف دی ایئر 2022میں شامل کر لیا گیا،معروف کرکٹ پبلیکشن وزڈن کی جانب سے ٹی 20ٹیم آف دی ایئر 2022کا اعلان کیا گیا ہے جس میں رواں سال کرکٹ کے مختصر ترین فارمیٹ میں شاندار کارکردگی دکھانے والے کھلاڑیوں کو شامل کیا گیا ہے،وزڈن کی جانب سے قومی کرکٹ ٹیم کے تین کھلاڑیوں محمد رضوان، شاداب خان اور حارث رئوف کو بھی 2022کے دوران بہترین کارکردگی کا مظاہرہ کرنے پر ٹیم کا حصہ بنایا گیا ہے،ٹیم کا کپتان انگلینڈ کے جوز بٹلر کو قرار دیا گیا ہے جبکہ دیگر کھلاڑیوں میں انگلینڈ کے سیم کرن اور عادل رشید، بھارت کے سوریا کمار یادیو اور بھونیشور کمار شامل ہیں،جنوبی افریقہ سے ڈیوڈ ملر، نیوزی لینڈ سے گلین فلپس ٹیم آف دی ایئر میں شامل ہیں جبکہ زمبابوے کے آل رائونڈر سکندر رضا بھی وزڈن ٹی ٹوئنٹی ٹیم آف دی ایئر میں شامل ہیں۔

کریڈٹ: انڈیپنڈنٹ نیوز پاکستان-آئی این پی