بالی ووڈ ہارر کامیڈی فلم استری2 کی ریلیز کے تقریبا دو ہفتے بعد بھی اس کی مقبولیت برقرار ہے اور اب مرکزی اداکار راجکمار را ئونے انسٹاگرام پر ایک تصویر پوسٹ کی ہے جس میں وہ خاتون کے روپ میں نظر آ رہے ہیں۔اداکار نے مداحوں کو بتایا کہ یہ ان کے پسندیدہ مناظر میں سے ایک تھا لیکن بدقسمتی سے یہ منظر فلم کے حتمی کٹ میں شامل نہیں ہوسکا۔ذرائع کے مطابق اس منظر میں راجکمار رائو کا کردار وکی، ولن سرکٹا کو فریب دینے کے لیے عورت کا روپ دھارتا ہے کیونکہ سرکٹا صرف خواتین پر حملہ کرتا ہے۔راجکمار را ئونے انسٹاگرام پر اپنے مداحوں سے پوچھا کہ کیا وہ اس منظر کو فلم میں دیکھنا چاہتے ہیں، جس پر اداکارہ شردھا کپور نے کہا کہ اسے ضرور شامل کیا جانا چاہیے۔ فلم کے رائٹر نیرن بھٹ نے بھی فلم کا ایکسٹینڈڈ کٹ ریلیز کرنے کی خواہش ظاہر کی۔یہ بھی ممکن ہے کہ اگر فلم کامیاب ہو جائے تو اس منظر کو بعد میں فلم کے پرنٹس میں شامل کیا جائے جیسا کہ دیگر فلموں کے ساتھ بھی ہو چکا ہے۔

کریڈٹ: انڈیپنڈنٹ نیوز پاکستان-آئی این پی