اداکارہ سونیا حسین نے کہا ہے کہ ہر اداکارہ کا اپنا الگ انداز اور شخصیت ہوتی ہے۔ سونیا حسین نے اپنی کچھ تصاویر اپنے انسٹا گرام اکاونٹ پر پوسٹ کی تھیں۔ان کی تازہ تصاویر میں، وہ ایک سفید اور سیاہ پولا ڈاٹ ٹاپ اور سیاہ اسکرٹ میں ملبوس نظرآ رہی ہیں۔ان تصاویرمیں انہوں نے مختلف سن گلاسز بھی پہنے ہوئے ہیں۔ان تصاویر کے منظر عام پر آنے کے بعد، کچھ سوشل میڈیا صارفین نے سونیا حسین کا موازنہ پریانکا چوپڑا سے کرنا شروع کر دیا ہے اور کہا ہے کہ وہ پریانکا چوپڑا کے اسٹائل کو نقل کرنے کی کوشش کر رہی ہیں۔سونیا حسین نے اس پر ردعمل دیتے ہوئے کہا ہے کہ ہر اداکارہ کا اپنا الگ انداز اور شخصیت ہوتی ہے، اور ان کا کوئی بھی ملبوسات یا اسٹائل کسی مخصوص اداکارہ کی تقلید نہیں ہے۔ ان کا کہنا ہے کہ وہ اپنا ذاتی تشخص اور خود کی منفرد شناخت بنانا چاہتی ہیں۔

کریڈٹ: انڈیپنڈنٹ نیوز پاکستان-آئی این پی