پریذیڈنٹ ٹرافی 2023/24 کا فائنل واپڈا اور ایس این جی پی ایل کی ٹیموں کے درمیان 9 سے 13 فروری تک راولپنڈی کرکٹ سٹیڈیم میں کھیلا جائے گا ۔ ٹورنامنٹ میں شامل سات ڈیپارٹمنٹل ٹیموں کے مابین رائونڈ میچز کراچی میں کھیلے گئے ، ہر ٹیم نے چھ ، چھ میچ کھیلے ، واپڈا نے سب سے زیادہ پانچ میچ جیت کر پہلی جبکہ ایس این جی ایل نے چار میچ جیت کر دوسری پوزیشن حاصل کی اور فائنل کے لیے کوالیفائی کیا ۔ فائنل میچ میں فیلڈ امپائرنگ کے فرائض محمد ساجد اور ولید یعقوب جبکہ میچ ریفری کے فرائض ندیم ارشد انجام دیں گے۔

کریڈٹ: انڈیپنڈنٹ نیوز پاکستان-آئی این پی