امریکا میں ہونے والی ورلڈ فٹنس چیمپئن شپ میں پنجاب پولیس کے کانسٹیبل عاصم رضا نے چاندی کے 2 تمغے جیت لیے۔پنجاب پولیس کے کانسٹیبل عاصم رضا نے پاکستان کی نمائندگی کرتے ہوئے امریکا میں ہونے والی ورلڈ فٹنس چیمپئن شپ میں 80 کلو گرام کیٹیگری میں چاندے کے2تمغے حاصل کیے۔اس چیمپئن شپ میں امریکا، جرمنی اور بھارت سمیت دنیا کے 42 ملکوں کے تن سازوں نے شرکت کی۔پاکستان پہنچنے پر پولیس لائنز لاہور میں عاصم رضا کے اعزاز میں تقریب منعقد کی گئی جس میں ایس پی زنیر چیمہ نے انہیں تعریفی اسناد دیں۔تقریب سے خطاب میں ایس پی نے کہا کہ کانسٹیبل عاصم رضا نے دنیا بھرمیں پاکستان کا نام روشن کیا ہے، کھیلوں کی ترقی کیلئے ہرممکن اقدامات کریں گے۔

کریڈٹ: انڈیپنڈنٹ نیوز پاکستان-آئی این پی