نیوزی لینڈ کے خلاف پہلے ٹی20 میچ میں شائقین کرکٹ نے آل رانڈر عماد وسیم کے حق میں نعرے لگادیئے۔ سماجی رابطے کی سائٹ سوشل میڈیا پر تیزی سے ویڈیو وائرل ہورہی ہے جس میں دیکھا جاسکتا ہے کہ لاہور میں کھیلے جارہے نیوزی لیںڈ کے خلاف سیریز کے پہلے ٹی20 میچ میں شائقین کرکٹ بانڈری لائن پر کھڑے عماد وسیم کو اوور دینے کے حق میں نعرے لگارہے ہیں۔ جس کے جواب میں آل رانڈر نے مداحوں کا جواب دیتے ہوئے ہاتھ لہرایا اور ہاتھ جوڑ لیے۔ گزشتہ روز کئی عرصے بعد قومی ٹیم میں واپسی کرنے والے عماد وسیم نے شاندار بالنگ کا مظاہرہ کیا تاہم اِن سے محض ایک اوور کروایا گیا جس میں عماد نے 2 رنز دیکر 2 وکٹیں حاصل کیں جبکہ بیٹنگ میں 13 گیندوں پر 16 رنز بنائے تھے۔ پاکستان نے پانچ میچوں پر مشتمل سیریز کے پہلے میچ میں کیویز کو آٹ کلاس کرتے ہوئے 88 رنز سے کامیابی سمیٹی تھی۔

کریڈٹ: انڈیپنڈنٹ نیوز پاکستان-آئی این پی