پاکستان اولمپک ایسوسی ایشن نے پاکستان کرکٹ بورڈ کے سابق چیرمین اعجاز بٹ کے انتقال پر گہرے دکھ اور افسوس کا اظہار کیا ہے۔ پاکستان اولمپک ایسوسی ایشن کے سیکرٹری جنرل خالد محمود کی جانب سے پاکستان کرکٹ بورڈ منیجمنٹ کے سربراہ ذکا اشرف کو لکھے گے خط میں کہا گیا ہے کہ پاکستان اولمپک ایسوسی ایشن کے صدر لیفٹیننٹ جنرل ر عارف حسن سمیت پوری اولمپک فیملی غمزدہ ہے۔ اعجاز بٹ کی کرکٹ میں خدمات کو ہمیشہ یاد رکھا جائے گا۔ انہوں نے کہا کہ دکھ کی اس گھڑی میں لواحقین کے غم میں برابر کے شریک ہیں. انہوں نے اللہ تعالی سے مرحوم کی مغفرت اور درجات بلند کی بلندی اور غمزدہ خاندان کو اس ناقابل تلافی نقصان کو برداشت کرنے کے لیے حوصلہ اور صبر عطا فرمانے کی دعا کی۔

کریڈٹ: انڈیپنڈنٹ نیوز پاکستان-آئی این پی