پاکستان سپر لیگ(پی ایس ایل)کے کراچی میں شیڈول میچز کیلئے ٹریفک پلان مرتب کرلیا گیا،تفصیلات کے مطابق پی ایس ایل 9کے پلے آف اور فائنل سمیت 11میچز کی میزبانی کراچی کے نیشنل اسٹیڈیم کو دی گئی، ایونٹ کے دوسرے مرحلے کے میچز کا آغاز 28 فروری سے 18 مارچ تک شہر قائد میں ہوں گے،اس موقع پر کراچی ٹریفک پولیس نے تماشائیوں کیلئے پارکنگ کیلئے خصوصی ٹریفک پلان مرتب کیا ہے، وہ شائقین کرکٹ جو کارساز، ملینیم اور نیوٹائون سے آرہے ہیں، اپنی گاڑیاں پی ایس بی کوچنگ سینٹر /چائنا گرائونڈ میں پارک کرسکیں گے،دوران میچ سہراب گوٹھ سے جانب نیپا، لیاقت آباد نمبر 10سے حسن اسکوائر، پیپلز چورنگی سے یونیورسٹی روڈ، کارساز سے اسٹیڈیم، ملینیم تا نیوٹان، اسٹیڈیم سگنل تا حسن اسکوائر ہر قسم کی ہیوی ٹریفک کا داخلہ ممنوع ہوگا۔

کریڈٹ: انڈیپنڈنٹ نیوز پاکستان-آئی این پی