پشاور زلمی کے کپتان بابراعظم کی ٹیم کو کوئٹہ کے ہاتھوں پہلے میچ میں شکست کا سامنا کرنا پڑا، کپتان کا کہناتھا کہ ابھی ایک میچ کے بعد کچھ نہیں کہ سکتے کہ ٹیم میں کیا تبدیلیاں ہوں گی ، محمد حارث کو بیک کرنے کی ضرورت ہوتی ہے،پریس کانفرنس سے خطاب کرتے ہوئے بابراعظم نے کہا کہ میچ میں ہم نے ایک اسپنر کو مس کیا، پہلے 6اوورز اچھے نہیں کیے،ڈیتھ اوورز میں ہمیں اس سے بہتر کرنا چاہیے تھا۔انکا کہنا تھا کہ وکٹیں گرنے سے میں تھوڑا سلو ہوا صورتحال کے مطابق چلنا پڑتا ہے،ہمارے ایمرجنگ پلیئرنے کافی اچھی باولنگ کی ، وہ کافی پراعتماد دکھائی دیئے ، تجربہ کھیلنے سے ہی آتا ہے ، ہمارا پلان تھا کہ کوئٹہ کو 180سے روک لیں لیکن کامیابی نہ مل سکی، جو فین سپورٹ کرتے ہیں ان کا شکریہ ادا کرتا ہوں ، ہمارا کام بطور ٹیم اچھا کھیلنا ہے ، جب ہوم کراوڈ میں کھیلیں تو اچھا محسوس ہوتاہے ، فینز گراونڈ میں نام لیتے ہیں تو فخر محسوس ہوتاہے ، پورے پاکستان میں جہاں بھی کھیلیں وہیں سپورٹ ملتی ہے ۔

کریڈٹ: انڈیپنڈنٹ نیوز پاکستان-آئی این پی