پاکستان سپر لیگ سیزن9 میں (آج) جمعرات سے پلے آف مرحلے کا آغاز ہو گا۔ بدھ کو ایچ بی ایل پی ایس سیزن نائن میں کوئی میچ نہیں کھیلا گیا جبکہ (آج) جمعرات سے کراچی نیشنل سٹیڈیم کراچی میں پلے آف مرحلے کا آغاز ہو گا۔ پلے آف مرحلے کے پہلے میچ میں (آج) جمعرات کو ملتان سلطانز اور پشاور زلمی کی ٹیموں کے درمیان جوڑ پڑے گا ، دونوں ٹیمیں رات 9 بجے نیشنل سٹیڈیم کراچی میں مدمقابل آئیں گی۔ پلے آف مرحلے کا دوسرے میچ میں اسلام آباد یونائیٹڈ اور کوئٹہ گلیڈی ایٹرز کی ٹیمیں پنجہ آزمائی کریں گی، میچ جمعہ کی رات 9 بجے نیشنل سٹیڈیم کراچی میں کھیلا جائے گا۔ دو پلے آف میچز کے بعد فائنل میں رسائی کیلئے ایک میچ اور کھیلا جائے گا، پلے آف مرحلے کے تین میچز مکمل ہونے کے بعد فائنل کھیلنے والی ٹیموں کے نام سامنے آئیں گے۔ پاکستان سپر لیگ سیزن 9 کا فائنل 18 مارچ کو نیشنل سٹیڈیم کراچی میں کھیلا جائے گا۔

کریڈٹ: انڈیپنڈنٹ نیوز پاکستان-آئی این پی