معروف بھارتی اداکار اور انفلوئنسر سمرجیت سنگھ ناگرا نے پاکستان کے نئے ڈرامہ سیریل کبھی میں کبھی تم کی تعریف کی ہے۔ سمرجیت سنگھ پاکستانی ڈراموں کے سب سے بڑے مداحوں میں سے ایک ہیں اور ان کی حقیقت پسندانہ سادہ کہانیوں سے بہت متاثر ہیں۔ اداکار اس سے پہلے بھی کئی پاکستانی ڈراموں کی پسندیدگی کا اظہار کر چکے ہیں ،جن میں پری زاد، میرے پاس تم ہو قابل ذکر ہیں۔حال ہی میں سمرجیت سنگھ ناگرا نے ہٹ ڈرامہ سیریل کبھی میں کبھی تم کی شاندار کہانی کی تعریف کی۔ کبھی میں کبھی تم کے بارے میں بات کرتے ہوئے انہوں نے کہا کہ، میں ایک پاکستانی سیریز کبھی میں کبھی تم دیکھ رہا تھا۔ مجھے یہ ایک سادہ کہانی کے ساتھ ایک خوبصورت ڈرامہ سیریل لگا۔ یہ سیریل نیچرل اداکاری کے ساتھ ایک سادہ سی جذباتی کہانی پیش کر رہا ہے، لیکن اگر ہم اس کا موازنہ اپنے ڈرامہ سیریلز سے کریں تو ہمارا ڈرامہ سیریل ایک احمقانہ کہانی پیش کرتا ہے۔

کریڈٹ: انڈیپنڈنٹ نیوز پاکستان-آئی این پی