پاکستان شاہینز کے ڈارون ٹور کا وائٹ بال مرحلہ(آج)اتوار سے شروع ہوگا، پاکستان شاہینز گارڈنز اوول میں ناردن ٹیریٹری کے خلاف پچاس اوورز کا ون ڈے میچ کھیلے گی ۔6اگست کو پاکستان شاہینز بنگلہ دیش اے کے خلاف ڈی ایکس سی ارینہ میں ون ڈے میچ کھیلے گی۔ ان دو میچوں کے بعد پاکستان شاہینز ٹاپ اینڈ ٹی ٹونٹی سیریز میں 10اگست کو اپنا پہلا میچ پرتھ اسکارچرز کے خلاف کھیلے گی۔ٹاپ اینڈ ٹی ٹونٹی سیریز میں حصہ لینے والی دوسری ٹیموں میں ناردرن ٹیریٹری اسٹرائیک، بنگلادیش اے، اے سی ٹی کومیٹس، ایڈیلیڈ اسٹرائیکرز، میلبرن سٹارز، میلبرن رینیگیڈز، اور تسمانیہ شامل ہیں۔پاکستان شاہینز میں دو تبدیلیاں کی گئی ہیں فاسٹ بولر کاشف علی تھائی کی تکلیف کے سبب باہر ہوگئے ہیں طیب طاہر کو محمد ہریرہ کی جگہ اسکواڈ میں شامل کیا گیا ہے۔ ہریرہ جنہوں نے بنگلہ دیش اے کے خلاف پہلے چار روزہ میچ میں ڈبل سنچری بنائی تھی وطن واپس آگئے ہیں وہ بنگلہ دیش کے خلاف ریڈ بال میچز کے لئے زیر غور ہیں ۔ پاکستان شاہینز اسکواڈ میں محمد حارث (کپتان )، عبدالفصیح، عرفات منہاس، عارف یعقوب، فیصل اکرم، حسیب اللہ(وکٹ کیپر)،جہانداد خان،خرم شہزاد(صرف ون ڈے میچوں کے لئے دستیاب)، عرفان خان، عمران جونئیر، مبصر خان، عمیر بن یوسف، صاحبزادہ فرحان، طیب طاہر اور عثمان خان شامل ہیں ۔جبکہ عبدالرحمن ہیڈ کوچ ہیں۔شیڈول کے مطابق 4اگست کو بمقابلہ ناردن ٹیریٹری پچاس اوورز ، 6اگست کو بمقابلہ بنگلہ دیش اے پچاس اوورز، 10اگست کو بمقابلہ پرتھ اسکارچرز ٹاپ اینڈ ٹی ٹونٹی ،11اگست کو بمقابلہ میلبرن اسٹارز ٹاپ اینڈ ٹی ٹونٹی ،13اگست کو بمقابلہ تسمانیہ۔ ٹاپ اینڈ ٹی ٹونٹی ، 15اگست کو بمقابلہ میلبرن رینیگیڈز ٹاپ اینڈ ٹی ٹونٹی ، 16اگست کو بمقابلہ بنگلہ دیش اے ٹاپ اینڈ ٹی ٹونٹی ، 17اگست کو بمقابلہ اے سی ٹی کامیٹس ٹاپ اینڈ ٹونٹی اور 18اگست کو فائنل ہو گا ۔

کریڈٹ: انڈیپنڈنٹ نیوز پاکستان-آئی این پی