انٹرنیشنل بلیئرڈ اسنوکر فیڈریشن (آئی بی ایس ایف)کے ورلڈ اسنوکر چیمپئن شپ مقابلوں میں پاکستان کے تین کھلاڑی ناک آئوٹ رائونڈ میں پہنچ گئے۔ورلڈ اسنوکر چیمپئن شپ مقابلوں میں پاکستان کے اسجد اقبال براہ راست رائونڈ آف 16 میں پہنچے جبکہ آصف اور اویس رائونڈ آف 24 کھیلیں گے۔محمد آصف جرمنی کے سائمن لچنبرگ سے ہار کر بھی اگلے رائونڈ تک آگئے اور محمد آصف فریم ڈفرینس کی بنیاد پر اپنے گروپ میں دوسرے نمبر پر رہے۔آخری میچ میں سائمن لچنبرگ نے آصف کو 3-4 سے شکست دی تھی، اسجد اقبال نے آخری گروپ میچ میں قطر کے خامس العبیدی کو 0-4 سے شکست دی۔اسجد اقبال نے اپنے تینوں میچ جیت کر گروپ میں پہلی پوزیشن حاصل کی جبکہ اویس منیر نے بحرین کے حبیب صباح کو 1-4 سے شکست دے کر ناک آئوٹ رائونڈ میں جگہ بنائی۔پاکستان کے چوتھے کھلاڑی نسیم اختر دو میچز ہارنے کے بعد ناک آٹ رائونڈ تک رسائی حاصل کرنے میں ناکام رہے ۔

کریڈٹ: انڈیپنڈنٹ نیوز پاکستان-آئی این پی