پاکستان اور جنوبی افریقہ کے مابین تین ٹی 20 انٹرنیشنل میچز کی سیریز کا آغاز آج (منگل ) سے ڈربن میں ہوگا۔شاہین محدود اوورز کی کرکٹ میں پروٹیز کو دبوچنے کیلئے بیتاب ہیں جس کیلئے قومی ٹیم نے ڈربن میں بھرپور پریکٹس کی ہے ۔قومی سکواڈ نے کروسیڈرز سپورٹس کلب میں ٹریننگ کے دوران مقامی کنڈیشنز میں اپنی صلاحیتوں کو نکھارنے پر توجہ مرکوز رکھی۔کھلاڑیوں نے بیٹنگ، بالنگ اور فیلڈنگ پریکٹس کے دوران کوچز کے مشوروں کو بھی مدنظر رکھا۔قومی سکواڈ نے تین گھنٹے پریکٹس کا سلسلہ جاری رکھا، پاکستانی ٹیم نے کنگز میڈ سٹیڈیم میں بھی پریکٹس کی ۔ قومی ٹیم زمبابوے میں فتح کے بعد گرین شرٹس پروٹیز کو بھی اس کے میدانوں پر محدود اوورز کی سیریز میں مات دینے کو بیتاب ہے۔گرین شرٹس کو اس سیریز کیلئے اپنے نمایاں کھلاڑیوں کا ساتھ میسر ہوگا تاہم جنوبی افریقہ کے کپتان سمیت اہم پلیئرز اس سیریز میں غیر حاضر رہیں گے۔

کریڈٹ : انڈیپنڈنٹ نیوز پاکستان-آئی این پی