پاکستان اور آسٹریلیا کی والی بال ٹیموں کے درمیان تیسرا اور آخری بین الاقوامی میچ آج جمعرات کو کھیلا جائیگا۔میچ شام ساڑھے چھ بجے پاکستان سپورٹس کمپلیکس کے لیاقت جمنازیم میں شروع ہو گا جو ٹی وی پر براہ راست دکھایا جائیگا۔پاکستان اور آسٹریلیا کی والی بال ٹیموں کے درمیان یہ تین میچوں کی سیریز ہے جس کے بعد آسٹریلیا کی ٹیم بحرین روانہ ہو جائیگی۔پہلا میچ پاکستان نے تین صفر سے جیت لیا تھا۔والی بال کی عالمی رینکنگ میں آسٹریلیا 35ویں جبکہ پاکستا ن 49ویں نمبر پر ہے ۔آسٹریلیا کی والی بال ٹیم بحرین میں چیلنج کپ میں شرکت سے قبل پاکستان کا پہلی بار دورہ کر رہی ہے۔والی بال کی عالمی رینکنگ میںپولینڈ پہلے،اٹلی دوسرے ،امریکہ تیسرے ،جاپان چوتھے اور سلووینیا پانچویں نمبر پر براجمان ہے۔

کریڈٹ: انڈیپنڈنٹ نیوز پاکستان-آئی این پی