ورلڈ کپ اینڈ ورلڈ روپ سکیپنگ چیمپئن شپ 15اگست سے تھائی لینڈ میں شروع ہو گی۔ پاکستان روپ سکیپنگ فیڈریشن کے صدر مقبول آرائیں نے میڈیا سے گفتگو کرتے ہوئے بتایا کہ چیمپئن شپ میں دنیا بھر سے کھلاڑی حصہ لے رہیہیں اور پاکستان سے 10جمپرز شرکت کریں گے۔ان کھلاڑیوں کا انتخاب گزشتہ دنوں 3روزہ اوپن ٹرائلز کے ذریعے میرٹ پر بنیاد پر کیا تھا۔ ایونٹ کی تیاری کے سلسلہ میں تربیتی کیمپ منی سپورٹس کمپلیکس ناظم آباد کراچی میں جاری ہے جس میں کھلاڑی بھرپور تربیت حاصل کر رہے ہیں اور ان کھلاڑیوں کو قومی ہیڈ کوچ شرق صدیقی جدید اور اعلی تربیت دے رہے ہیں۔ یہ چیمپئن شپ 20اگست تک جاری رہے گی۔

کریڈٹ: انڈیپنڈنٹ نیوز پاکستان-آئی این پی