i کھیل
ویزہ پروسیس مکمل نہ ہونے کی بنا پر پاکستان ہاکی ٹیم کا دورہ ہالینڈ تاخیر کا شکار ہو گیا، شیڈول میچ بھی ختمتازترین
May 22, 2024
ویزہ پروسیس مکمل نہ ہونے کی بنا پر پاکستان ہاکی ٹیم کا دورہ ہالینڈ تاخیر کا شکار ہو گیا، بدھ 22 مئی کو شیڈول میچ بھی ختم کردیا گیا۔ذرائع کے مطابق قومی ہاکی ٹیم کے ہالینڈ کے ویزوں کیلئے بدھ کو بائیو میٹرک کے بعد(آج) جمعرات کی صبح ٹیم کو ویزے جاری ہوسکتے ہیں۔وقت کی کمی کی وجہ سے قومی ٹیم کو ابھی صرف ہالینڈ کا ویزا ہی ملنے کا امکان ہے، پولینڈ کے ویزوں کے لیے الگ سے اپلائی کرنا پڑے گا۔قومی ہاکی ٹیم کی روانگی میں تاخیر کے باعث پاکستان اور ہالینڈ کے درمیان ہونے والا بائیس مئی کو شیڈول میچ ختم کر دیا گیا ہے۔اب قومی ہاکی ٹیم مختلف ڈچ کلبز کے ساتھ میچ کھیل کر پولینڈ کے خلاف نیشنز کپ کی تیاری کرے گی۔
کریڈٹ: انڈیپنڈنٹ نیوز پاکستان-آئی این پی
متعلقہ خبریں
