انگلینڈ اینڈ ویلز کرکٹ بورڈ (ای سی بی)کے اعلامیے کے مطابق ویسٹ انڈیز کی کرکٹ ٹیم رواں ماہ انگلینڈ کا دورہ کرے گی ۔ مہمان ویسٹ انڈیز کی ٹیم اپنے دورہ انگلینڈ کے دوران میزبان ٹیم کے خلاف 3ٹیسٹ میچوں کی سیریز کھیلے گی۔دونوں ٹیموں کے درمیان 3 ٹیسٹ میچوں کی سیریز آئی سی سی ورلڈ ٹیسٹ چیمپئن شپ کا حصہ ہوگی۔ 3 ٹیسٹ میچوں کی سیریز کا پہلا میچ 10سے 14جولائی تک لارڈز، لندن میں کھیلا جائے گا۔ دوسرا ٹیسٹ میچ 18سے 22جولائی تک ٹرینٹ برج، ناٹنگھم میں کھیلا جائے گا، اس کے بعد دونوں ٹیمیں 3 میچوں کی سیریز کا تیسرا اور آکری ٹیسٹ میچ کھیلنے کے لئے ایجبسٹن ،برمنگھم پہنچیں گی جہاں وہ 26 سے 30 جولائی تک تیسرا ٹیسٹ میچ کھیلیں گی۔ تین ٹیسٹ میچوں کی سیریز میں کریگ برتھویٹ ویسٹ انڈین ٹیم کی قیادت کریں گے جبکہ میزبان برطانوی کرکٹ ٹیم کو بین سٹوکس لیڈ کریں گے۔

کریڈٹ: انڈیپنڈنٹ نیوز پاکستان-آئی این پی