ویسٹ انڈیزاور جنوبی افریقا کے درمیان تین ٹی ٹونٹی بین الاقوامی میچوں پر مشتمل سیریز کا تیسرا اور آخری میچ (آج)بدھ کو برائن لار سٹیڈیم تاروبا ٹرینیڈاڈ میں کھیلا جائے گا۔ میزبان ویسٹ انڈین ٹیم کو مہمان پروٹیز ٹیم کے خلاف ٹی ٹونٹی سیریز میں 0-2 کی فیصلہ کن برتری حاصل ہے۔ ویسٹ انڈیز ٹیم نے پہلے ٹی ٹونٹی میچ میں جنوبی افریقا کی ٹیم کو 7 وکٹوں جبکہ دوسرے ٹی ٹونٹی میچ میں 30 رنز سے شکست دی تھی۔اس سے قبل پروٹیز ٹیم ویسٹ انڈیز کے خلاف 2 ٹیسٹ میچز کھیل چکی ہے جس میں مہمان جنوبی افریقا کی ٹیم نے 0-1 سے کامیابی حاصل کی تھی۔ دونوں ٹیموں کے درمیان پہلا ٹیسٹ میچ ہار جیت کے فیصلے کے بغیر ختم ہوگیا تھا جبکہ دوسرے ٹیسٹ میچ میں پرٹیز ٹیم نے میزبان ویسٹ انڈیز کی ٹیم کو 40 رنز سے شکست دی تھی۔ دونوں ٹیموں کے درمیان 3 ٹی ٹونٹی بین الاقوامی کرکٹ میچوں کی سیریز کا تیسرا و آخری میچ (آج) بدھ کو کھیلاجائے گا۔ تینوں ٹی ٹونٹی میچز برائن لاراسٹیڈیم میں ہی کھیلے جائیں گے۔

کریڈٹ: انڈیپنڈنٹ نیوز پاکستان-آئی این پی