چار ملکی خواتین فٹبال ٹورنامنٹ کے تیسرے میچ میں موریشس نے پاکستان کو 1-2گولز سے شکست دے دی، پرنس سعود بن جلاوی سٹیڈیم میں کھیلے گئے میچ میں موریشس کی جانب سے جھیملا چیارا نے پانچویں منٹ میں گول کر کے اپنی ٹیم کو برتری دلائی تاہم پانچ منٹ بعد پاکستان کی کپتان ماریہ خان نے گول کر کے مقابلہ برابر کر دیا،پہلا ہاف 1-1گول سے برابر رہا ، دوسرے ہاف میں بھی دونوں ٹیموں کے درمیان سخت مقابلہ ہوا، میچ کے 65ویں منٹ میں گوپال جولیمیری نے گول کر موریشس کو ایک بار پھر برتری دلائی جو میچ کے اختتام تک برقرار رہی،واضح رہے پاکستان نے پہلے میچ میں کوموروس کے خلاف 0-1 سے کامیابی حاصل کی تھی ، قومی ٹیم اپنا تیسرا اور آخری میچ 19 جنوری کو سعودی عرب کے خلاف کھیلے گی۔

کریڈٹ: انڈیپنڈنٹ نیوز پاکستان-آئی این پی