معروف نوجوان اداکار علی عباس نے انکشاف کیا ہے کہ وہ اپنے والد کے ساتھ کام نہیں کر سکتے۔حال ہی میں اداکار ساتھی فنکار ندا یاسر اور یاسر نواز کے یوٹیوب شو میں نظر آئے جہاں انہوں نے اپنے والد وسیم عباس کے ساتھ اسکرین شیئر نہ کرنے کی وجہ بتا دی۔دوران انٹرویو گفتگو کرتے ہوئے میزبان نے انکشاف کیا کہ علی عباس کے دادا، والد، والدہ، چچا، کزنز وغیرہ اس انڈسٹری کا حصہ ہیں تو جاوید شیخ کا خاندان واحد خاندان تو نہیں جن کا موازنہ کپورز سے کیا جائے بلکہ عباس فیملی بھی اتنی بڑی اور مقبول ہے۔اداکار نے میزبان سے اتفاق کرتے ہوئے بتایا کہ رمشا خان سگی خالہ زاد بہن اور آغا علی سگی پھوپھی کا بیٹا ہے۔دورانِ گفتگو ایک اور سوال کا جواب دیتے ہوئے اداکار نے انکشاف کیا کہ وہ کوشش کرتے ہیں کہ اپنے والد اداکار وسیم عباس کے ساتھ کام نہ کریں کیونکہ ان کے سامنے اداکاری نہیں کرسکتے۔علی عباس مایاناز اداکار وسیم عباس کے بیٹے جبکہ مشہور گائیک و اداکار عنایت حسین بھٹی کے پوتے ہیں جبکہ اداکارہ صبا حمید ان کی سوتیلی والدہ اور گلوکارہ میشا شفیع اور گلوکار و اداکار فارس شفیع ان کے سوتیلے بہن بھائی ہیں۔

کریڈٹ: انڈیپنڈنٹ نیوز پاکستان-آئی این پی